भोजपुर । नेफ्स्कूनले सञ्चाल गरेको आधारशिला कार्यक्रम अन्तर्गत भोजपुरको पौवादुङमा गाउँपालिकामा रहेका सहकारी संस्थाहरुमा दोस्रो चरणको नीति तथा संस्थागत परामर्श सेवा सम्पन्न भएको छ । नेफ्स्कूनका कार्यक्रम अधिकृत गौतम कुमार साहले गाउँपालिका अन्तर्गत प्रत्येक सहकारी संस्थामा गएर नीति तथा संस्थागत परामर्श सेवा प्रदान गर्नुभएको थियो । उहाँका अनुसार पहिलो चरणको अवस्था मापनमा गाउँपालिका अन्तर्गतका सहकारीहरुलाई सक्रिय, निष्किृय र अतिनिष्कृय गरी ३ भागमा वर्गीकरण गरी अवस्था अनुसार विभक्त गरिएको थियो भने उनीहरुलाई आवश्यक पृष्ठपोषण पनि दिइएको थियो । आधारशिला कार्यक्रम नेफ्स्कूनले स्थानीय निकायसँगको सम्झौता, सहयोग र समन्वयमा सञ्चालन गरेको सहकारी संस्थाहरुको विकास र प्रवर्धनसम्बन्धी सशक्तीकरण कार्यक्रम हो ।