काठमाडौं । कर्ब्स काठमाडौं दोस्रो क्लष्टरको १६ औं कार्यकुशलता तथा सिकाइ व्यवस्थापन कार्यशाला PALM सम्पन्न भएको छ । बागबजारस्थित शारदामाई साकोसको आयोजनामा हिजो सम्पन्न उक्त कार्यशालाका प्रमुख अतिथि नेफ्स्कूनका सञ्चालक सदस्य न्हुछे नारायण श्रेष्ठ रहुनभएको थियो भने अध्यक्षता आयोजक साकोसका अध्यक्ष भीमप्रसाद हुमागाई हुनुहुन्थ्यो । कार्यशालामा नेफ्स्कून कलंकी फिल्ड व्यवस्थापन उपसमिति सदस्य जित बहादुर लामा, नेफ्स्कूनका प्रमुख कार्यकारी अधिकृत प्रकाश प्रसाद पोखरेल, सदस्य सेवा विभाग प्रमुख दुर्गा प्रसाद ढकाल, कार्यक्रम अधिकृत सोबिता मैनाली लगायतको उपस्थिति थियो ।

प्रमुख अतिथि नेफ्स्कून सञ्चालक श्रेष्ठले स्थिरीकरण कोषको महत्व र साकोसहरुको योगदानको आवश्यकतासँगै PEARLS का सूचकहरुको परिपालनामा जोड दिनुभएको थियो । कार्यक्रममा नेफ्स्कूनका प्रमुख कार्यकारी अधिकृतले कर्ब्सका सूचकहरु, ऋण जोखिम कोष व्यवस्था, स्थिरीकरण कोष लगायतका विषयमा धारणा राख्नुभएको थियो भने सदस्य सेवा विभाग प्रमुख ढकालले पनि गुणस्तर सुनिश्चितता, जोखिम व्यवस्थापन लगायतका विषयमा प्रस्तुति गर्नुभएको थियो ।