काठमाडौं । नुवाकोटको विदुर–४ स्थित संगम बचत तथा ऋण सहकारी संस्था लि.को रजत महोत्सव तथा १७ औं वार्षिक साधारण सभा भव्यतापूर्वक सम्पन्न भएको छ । राष्ट्रिय सहकारी महासंघ लि. नेपालका अध्यक्ष मिनराज कडेलको प्रमुख आतिथ्यतामा हिजो बट्टार ४ स्थित तामाङ प्लाजामा सम्पन्न कार्यक्रममको अध्यक्षता संस्थाका अध्यक्ष नारायण श्रेष्ठले गर्नुभएको थियो । राष्ट्रिय सहकारी बैंककी सञ्चालक सरिता तिम्सिना भट्टराईसँगै कार्यक्रममा नेफ्स्कूनका प्रमुख कार्यकारी अधिकृत प्रकाश प्रसाद पोखरेल पनि बिशिष्ट अतिथिका रुपमा सहभागी हुनुभएको थियो ।

कार्यक्रममा प्रमुख अतिथिले रजत स्मारिका बिमोचिन गर्नुभएको थियो भने प्रमुख अतिथि, बिशिष्ट अतिथि लगायतबाट जिल्लाको सहकारी तथा संस्थाको विकास र वृद्धिमा सहयोग गर्ने विभिन्न व्यक्तित्वहरुलाई सम्मानित गरिएको थियो । २०५३ साल पुस १५ गते स्थापित साकोसले बट्टारको संगम प्लाजास्थित आफ्नै भवनबाट सेवा प्रवाह गर्दै आएको छ । साकोसले ‘बचत नै विकासको पहिलो पाइला’ भन्ने मान्यता आत्मसात् गर्दै आएको छ ।