काठमाडौं । सामाजिक उत्तरदायित्व कार्यक्रम अन्तर्गत सर्लाहीको ईश्वरपुरस्थित स्वस्तिक बचत तथा ऋण सहकारी संस्था लि. ले सदस्यहरुका लागि सप्ताहव्यापी निशुल्क आँखा शिविर सञ्चालन गरेको छ । यही पुस ३ गतेदेखि सञ्चालन भइरहेको आँखा शिविरको आज ५ औ दिनसम्ममा ९ सय ३५ जनाले आँखा परीक्षण गराउनुभएको छ । भरतपुर आँखा अस्पतालको प्राविधिक सहयोग र डार्क फाउण्डेशन, पार्टनर इक्युटिको आर्थिक सहयोगमा स्वस्तिक साकोसले शिविरको आयोजना गरेको हो । 

सर्लाही जिल्लाको चन्द्रनगर गा.पा. ७ नाढीमन तालमा स्थानिय सहआयोजक दनुवार कल्याणकारी समिति सर्लाही, ईश्वरपुर १५ सोकनाह मा रहेका शुभ एकाडेमिको सहआयोजना र ईश्वरपुरको वयलवास वजारमा रहेको स्वस्तिक साकोस गरी तीन ठाउँमा सञ्चालन गरिएको शिविरवाट सदस्यहरुले आँखा परीक्षण सेवा लिनुभएको साकोसका व्यवस्थापक विनोद थापाले जानकारी गराउनुभयो । आँखा परीक्षण गरिएका ९ सय ३५ बृद्धबृद्धाहरुमध्ये २ सय ७५ जना मोतियाविन्दुका विरामीहरुको नेत्रज्योति संघ भरतपुरका डाक्टरहरुद्वारा सफल अपरेशन भएको साकोस आवाजसँगको कुराकानीका क्रममा व्यवस्थापक थापाले जानकारी दिनुभयो । 

संस्थाको वार्षिक योजना अनुरुप हरेक वर्ष तीन वटा मानविय तथा सामाजिक कार्य अत्तर्गत यस वर्ष नेपाल नेत्रज्योति संघ भरतपुर संग समन्वय गरि पौष ३ गते चन्द्रनगर, पौष ४ गते सोकनाह र ५, ६, ७ र ८ गते स्वस्तिक साकोसको वयलवासको भवनमा आँखा शिविर गरि स्थानिय अस्पताल ईश्वरपुरको धनपटि डाँडा मा रहेको प्राथमिक स्वास्थ्य केन्द्र मै मोतियविन्दुका रोगिहरुको आँखा अपरेशन गराईएको संस्थाका अध्यक्ष वेनी वहादुर कार्कीले जानकारी दिनुभयो । आँखा शिविर भोलिसम्म सञ्चालन हुनेभएकोले अझ धेरैको संख्यामा विरामीहरुले आँखा परीक्षण सेवाबाट लाभ लिन सक्ने भरतपुर आँखा अस्पतालका वाह्य कार्यक्रम संयोजक रमेश घिमिरेले जानकारी दिनुभयो ।