काठमाडौं । ललितपुर सहकारी अभियानको आयोजनामा तरलता व्यवस्थापनमा अभियानको भूमिका विषयक अन्तरक्रिया कार्यक्रम हुने भएको छ । ललितपुर सहकारी अभियानले गहिरिदो तरलता संकटलाई ध्यानमा राखी सहकारी अभियानले संकट सम्बोधनमा के कस्ता रणनीतिहरु कसरी अवलम्बन गर्नुपर्ने भन्ने विषयमा अभियानबीच सघन अन्तरक्रिया गरी निष्कर्ष निकाल्न यही पुस ६ गते मंगलबार महालक्ष्मीस्थानस्थित डिलाईट पार्टी भेन्यूमा दिउँसो साढे १२ बजे कार्यक्रम आयोजना गर्न लागेको हो । अन्तरक्रियामा ललितपुर जिल्ला भित्र सञ्चालित सहकारी संस्थाहरुबाट अध्यक्ष, पदाधिकारी र व्यवस्थापकहरू मध्ये एउटा संस्थाबाट २ जनाको सक्रिय सहभागिताको लागि अभियानले हार्दिक अनुरोध गरेको छ । कार्यक्रमका आधा दर्जन आयोजकहरुमध्ये नेफ्स्कून ललितपुर फिल्ड कार्यालय पनि एक रहेको छ ।