काठमाडौं । बचत तथा ऋण सहकारी संघ लि. सुनसरीको १४ औं वार्षिक साधारण सभा तथा १६ औं स्थापना दिवस नेफ्स्कूनका अध्यक्ष परितोष पौड्यालको प्रमुख आतिथ्यता तथा बचत संघका अध्यक्ष शिवराज श्रेष्ठको अध्यक्षतमा सम्पन्न भएको छ । हिजो आयोजित सभामा प्रमुख अतिथि पौड्यालले साकोसहरुको श्रीवृद्धि र विकास, साकोस अभियानको सबलीकरण र त्यसमार्फत सदस्यहरुको आर्थिक, सामाजिक र साँस्कृतिक उत्थान एवम् नीति, विधि र प्रविधियुक्त बनाउन नेफ्स्कून सबै साकोसहरु सँगसँगै रहेको बताउनुभयो ।

सभामा सहकारी अभियन्ता सम्मान पूर्वाञ्चल साकोस इटहरीका अध्यक्ष दिनेश कुमार भट्टराईलाई प्रदान गरिएको थियो । यस्तै, उत्कृष्ट बचतकर्ता सम्मान बराह क्षेत्रस्थित पिपलबोट साकोसलाई प्रदान गरिएको थियो भने उत्कृष्ट सेयर खरिदकर्ता सम्मान आशिष साकोस धरानलाई प्रदान गरिएको थियो ।  यस्तै, उत्कृष्ट कर्मचारी व्यवस्थापक सम्मान समन्वय साकोस खनारका व्यवस्थापक पलहद साहा र स्थानीय तहगत कर्मचारी अन्तर्गत कृष्ण कुमार चौधरीलाई प्रदान गरिएको थियो ।
साधारण सभामा संघका सचिवले वार्षिक प्रतिवेदन तथा अनुमानित आयव्यय विवरण प्रल्हाद दाहालले प्रस्तुत गर्नुभएको बचत संघ सुनसरीका लेखापाल खगेन्द्र प्रसाद अधिकारीले साकोस आवाजलाई जानकारी गराउनुभयो ।