काठमाडौं । नेफ्स्कूनको आयोजनामा भक्तपुरको नगरकोटमा ३ दिवसीय 'ऋण अधिकृतहरुको क्षमता अभिवृद्धि कोर्ष (सियु।एलसीसी)’ तालिम सम्पन्न भएको छ । मंसिर १६ गते सम्पन्न तालिमको समापन कार्यक्रमका प्रमुख अतिथि नेफ्स्कून कोषाध्यक्ष दिपक पनेरु हुनुहुन्थ्यो । तालिममा विभिन्न २० वटा बचत तथा ऋण सहकारी संस्था लि.का ७ महिला तथा २२ पुरुष गरी २९ ऋण अधिकृतहरुको सहभागिता थियो ।

तालिम सहजीकरण नेफ्स्कूनका प्राचार्य गणेश प्रसाद तिमल्सिना र कार्यक्रम अधिकृत सन्दीपराज ढकालले गर्नुभएको थियो भने तालिम अधिकृत रविन्द्र श्रेष्ठ, कार्यक्रम अधिकृत गौतम कुमार साह, बरिष्ठ सहायक शौरभ चौलागाईको तालिम व्यवस्थापन सहयोग गरेहके थियो । तालिममा ऋण लगानी, परामर्श, प्रक्रिया, जोखिम, ऋण सदुपयोगिता, ऋण लगानीको अनुगमन लगायत सम्पूर्ण प्रक्रियाहरुको बारेमा सैद्धान्तिक र व्यावहारिक विषयहरु समेटिएको थियो ।