कास्की । नेफ्स्कून फिल्ड कार्यालय पोखराको आयोजनामा आज नेफ्स्कून अभिमुखीकरण कार्यक्रम आयोजना गरिएको छ । नेफ्स्कून सचांलक एवं पोखरा फिल्ड कार्यालय संयोजक चण्डी प्रसाद शर्मा पौडेलले अध्यक्षता गर्नुभएको कार्यक्रममा संघकी सञ्चालक कमलादेवी गिरी,  जिल्ला बचत  सघंका अध्यक्ष भेषराज बराल लगायतको उपस्थिति थियो । कार्यक्रममा सञ्चालक तथा व्यवस्थापन प्रतिनिधि गरी २२ साकोसका ४२  जनाको उपस्थिति थियो । 

कार्यक्रमका अध्यक्ष चण्डी प्रसाद शर्मा पौडेलले सहकारीमा धनी व्यक्तिहरु भन्दा पनि गरिब व्यक्तिहरुलाई सदस्य बनाउँदा दिगोपना हुने बताउनुभयो । उहाँले साकोसहरुलाई सञ्जालको महत्व र सहकारी अभियानबारे प्रष्ट पार्नुभएको थियो । कार्यक्रममा नेफ्स्कून सचांलक कमलादेवी गिरीले स्वागत मन्तव्य राख्नुका साथै कार्यक्रम बारे प्रकाश पार्नु भएको थियो ।  बचत सघंका अध्यक्ष बरालले साकोसहरुलाई बचत सघं र नेफ्स्कूनमा आबद्ध हुन आग्रह गर्नुभयो । कार्यक्रममा नेफ्स्कूनको सेवा बारेमा संघका बरिष्ठ कार्यक्रम अधिकृत भरत प्रसाद न्यौपानेले प्रस्तुतिकरण गर्नु भएको थियो ।  कार्यक्रम सञ्चालन नेफ्स्कून पोखरा फिल्ड कार्यालयकी इन्चार्ज यमकला सुबेदीले गर्नुभएको थियो ।