बागलुङ ।  सिवाईसी बचत तथा ऋण सहकारी संस्थाले ८ प्रतिशत ब्याजदरमा ऋण लगानी गर्ने भएको छ । संस्थाले बुधबार सूचना जारी गर्दै कोभिड सिर्जित बन्दाबन्दीले सदस्यहरुलाई ब्यापार व्यवसायमा परेको असर न्यूनिकरण गर्न ८ प्रतिशत ब्याजदर मै कर्जा लगानी गर्ने भएको हो । संस्थाले कृषि, उद्योग, व्यापार गर्ने सदस्यहरुलाई  ‘व्यवसाय निरन्तरता ऋण’ योजना ल्याएको हो । यो ब्याजदर एक वर्षसम्म फेरबदल समेत नहुने बताइएको छ । 

असार २५ गतेसम्म कुल सम्पत्ति २ अर्ब नाघेको संस्थामा १८ हजार ३ सय ८३ सदस्य र २ हजार ३ सय ९६जना बाल बचत कर्ता छन् । संस्थाको शेयर पुँजी ३२ करोड ४३ लाख, बचत १ अर्ब ४१ करोड ३१ लाख र कोषमा १० करोड ४८ लाख रहेको छ । संस्थाले २३ वटा कार्यालयबाट १ सय १५ जना कर्मचारीमार्फत सदस्यहरुलाई सेवा प्रवाह गरिरहेको छ । संस्थाले चालु आव २०७८र०७९ मा कूल सम्पत्ति ३ अर्ब ५ करोड र सदस्य संस्ख्या २८ हजार ५ सय पुर्याउने लक्ष्य राखेको छ ।