हेटौंडा । बागमती प्रदेश सरकारको भूमि व्यवस्था, कृषि तथा सहकारी मन्त्रालयले आगामी आर्थिक बर्ष २०७८/७९ का लागि सहकारी क्षेत्र सम्बन्धी महत्वपूर्ण कार्यक्रम तथा योजनाहरु सार्वजनिक गरेको छ । केहि दिनदेखिको अन्तरविरोधलाई चिर्दै हिजो बार्षिक  नीति तथा कार्यक्रम कार्यान्वयनका लागि बागमती प्रदेश सरकारले कुल ५७ अर्ब ७२ करोड ९ लाख २७ हजार रुपैंया बजेट पारित गरेको हो । 

प्रदेश सरकार– भूमि व्यवस्था, कृषि तथा सहकारी मन्त्रालयल मातहत सहकारी क्षेत्र सम्बन्धी केही महत्वपूर्ण प्रवर्धनात्मक कार्यक्रमहरु अगाडि सारेको छ, जसअन्तर्गतः

• सहकारी संघ संस्थाहरुको प्रवर्धनात्मक कार्यक्रमहरु सञ्चालन गरिने,
• आधारभूत, सहकारी लेखापालन तथा विविध सीपमुलक तालिम सञ्चालन गरिने,
• सहकारी संघ संस्थाहरुको दर्ता, सञ्चालन, नियमन र अनुगमन कार्यक्रमलाई प्राथमिकता दिइने, 
• सहकारी ऐन नियम र मापदण्ड सम्बन्धी अन्तरक्रिया कार्यक्रम सञ्चालन हुने,
• प्रदेश सहकारी विकास बोर्ड अन्तर्गत सहकारीमा आर्थिक सिंचाई कार्यक्रम
• र सहकारी स्किम कार्यक्रम लगायत अगाडि सारेको छ ।