काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) र जिल्ला बचत संघ बर्दियाबीच जिल्ला संघ साझेदारी सम्झौता सम्पन्न भएको छ । नेफ्स्कून केन्द्रीय कार्यालयमा आज नेफ्स्कूनका बरिष्ठ उपाध्यक्ष चन्द्र प्रसाद ढकालको उपस्थितिमा संघका कोषाध्यक्ष एवम् जिल्ला संघ साझेदारी कार्यक्रम व्यवस्थापन कार्यदल संयोजक दिपक पनेरु र जिल्ला बचत संघ बर्दियाका अध्यक्ष नवराज न्यौपानेबीच सम्झौता आदानप्रदान भएको हो । जिल्ला संघ साझेदारीमार्फत सञ्जाल सम्बन्ध सबलीकरणमा थप टेवा पुग्ने विश्वास दुबै पक्षद्वारा लिइएको छ । कार्यक्रममा नेफ्स्कून सदस्य सेवा विभाग प्रमुख दुर्गाप्रसाद ढकालको पनि उपस्थिति थियो ।