मन्थली, रामेछाप  । नेफ्स्कून मन्थली सेवा केन्द्रको आयोजनामा मन्थलीमा  २ दिने “भाखा नाघेको ऋण व्यवस्थापन तालिम” आजबाट सुरु भएको छ । जिल्ला बचत संघ रामेछापका पूर्व अध्यक्ष तथा नेफ्स्कून फिल्ड कार्यालय व्यवस्थापन उपसमिति सदस्य गोविन्द प्रसाद घिमिरेले ब्यानरमा हस्ताक्षर गरी तालिम उद्घाटन गर्नु भएको छ ।

प्रमुख अतिथि घिमिरेले सहकारी संस्थाहरुमा भाखा नाघेको ऋण प्रमुख समस्या भएकोले तालिम उपयोगी हुने विश्वास व्यक्त गर्नुभयो । उहाँले तालिममा सिकेका कुरालाई संस्था प्रयोग नगरेसम्म तालिमको औचित्य पुष्टि नहुने स्पष्ट पार्नुभयो । रामेछापका २५ साकोसका ३२ जना सहभागी तालिमको प्रशिक्षण नेफ्स्कूनका तालिम अधिकृत सुमनराज घिमिरे र सहजिकरण व्यवसाय अधिकृत समिट खड्काले गर्नुभएको छ ।