ललितपुर । ललितपुर जिल्ला बचत तथा ऋण सहकारी संघ लि.को २६ औ बार्षिक साधारण सभा पुस ११ गते शनिवार जुम भर्चुअल विधिबाट सम्पन्न भएको छ । मंसिर २८ गते देखि सुरु भएको संघको साधारण सभा अन्तर्गत पौष ४ गते सम्म ७ ठाउँमा क्षेगतगत सभा सम्पन्न गरिएको थियो भने पुस ५ गते देखि १० गते सम्म प्रतिबेदन उपर सुभाव संकलन गरी हिजो समापन गरिएको हो ।

समापन कार्यक्रमको अध्यक्षता संघका अध्यक्ष रामहरी बजगाईले गर्नुभएको थियो । कार्यक्रममा प्रमुख अतिथि राष्टिञय सहकारी बैकका अध्यक्ष के.बी. उप्रेती रहनुभएको थियो भने अतिथिहरुमा बागमती प्रदेश सहकारी संघ लि. का अध्यक्ष रामशरण शर्मा घिमिरे, काठमाडौ जिल्ला बचत तथा ऋण सहकारी संघका अध्यक्ष तथा नेफ्स्कूनका कोषाध्यक्ष दिपक पनेरु, भक्तपुर जिल्ला बचत तथा ऋण सहकारी संघका अध्यक्ष कृष्ण गोविन्द लाखाजु लगायत अतिथिहरु गरी ३ सय भन्दा बढीको उपस्थितिमा सम्पन्न भएको थियो ।

कार्यक्रममा संघमा आवद्ध संस्थाहरु मध्ये उत्कृष्ट कारोवार गर्ने हाम्रो साकोस एवम् विभिन्न स्थानीय तहहरु बाट उत्कृष्ट साकोसहरुलाई समेत सम्मानित गरिएको थियो । सम्मान प्राप्त गर्ने संस्थाहरुमा ललितपुर महानगरपालिकाबाट अष्टमात्रिका साकोस, गोदावरी नगरपालिकाबाट सप्तरंगी साकोस, महालक्ष्मी नगरपालिकाबाट उदय विनायक महिला साकोस, महाकाल गाउँपालिकाबाट कालेश्वर साकोस र बागमती गाउँपालिकाबाट सिसौटार महिला साकोसलाई सम्मान प्रदान गरिएको थियो । एकीकरण भएका ६ वटा  संस्थाहरुलाई समेत सम्मान गरी हौसला प्रदान गरीएको थियो । संघमा कार्यरत कर्मचारीहरु मध्ये लेखापाल सविना बजगाईलाई उत्कृष्ट कर्मचारी सम्मान प्रदान गरिएको थियो ।