काठमाडौं । चितवनको रत्ननगर–२ स्थित पेवा बचत तथा ऋण सहकारी संस्था लि.को आठौं वार्षिक साधारण सभा आज सम्पन्न भएको छ । कोभिड १९ को महामारीका बीच स्वास्थ्य सर्तकता अपनाउँदै संस्थाले साधारण सभा सम्पन्न गरेको हो । साधारण सभाले उपाध्यक्षमा मधुसुदन लामिछाने र कोषाध्यक्षमा भरत शर्मा दाहाल निर्विरोध निर्वाचित गरेको छ । त्यसैगरी वार्षिक प्रतिवेदन, भावी कार्यक्रम र प्रस्तावित बजेट तथा नीति तथा कार्यक्रमहरु पनि सभाले पारित गरेको छ । संस्था हालै मात्र नेफ्स्कूनको गुणस्तर सुनिश्चितता सम्बन्धी राष्ट्रिय प्रमाणीकरण कार्यक्रम प्रोबेशनमा आबद्ध भएको थियो । नेफ्स्कून र पेवा साकोसबीच भदौं ३० गते औपचारिक सम्झौता भएको  थियो । संस्थाका अध्यक्ष गोविन्द प्रसाद भट्टराईले व्यवस्थित र सहभागितामूलक रुपमा साधारण सभा सम्पन्न भएको बताउनुभयो ।