चितवन । जिल्लाको रत्ननगर–२ स्थित पेवा बचत तथा ऋण सहकारी संस्था लि.नेफ्स्कूनको गुणस्तर सुनिश्चितता सम्बन्धी राष्टिय कार्यक्रम प्रोबेशनमा आबद्ध भएको छ । यस सम्बन्धमा नेफ्स्कून र पेवा साकोसबीच भदौं ३० गते औपचारिक सम्झौता भएको हो । कार्यक्रममा संस्थाका अध्यक्ष गोविन्द प्रसाद भट्टराई, उपाध्यक्ष नवराज तिमल्सिना, सचिव शिवलाल श्रेष्ठ, सञ्चालक समिति सदस्य ताराप्रसाद दुवाडी, व्यवस्थापक किशोर भट्टराई, नेफ्स्कून चितवन फिल्ड कार्यालय इन्चार्ज यमकला सुवेदी र कार्यक्रम अधिकृत सुरज चालिसे लगायतको उपस्थिति थियो । पेवा साकोसका अध्यक्ष गोविन्द प्रसाद भट्टराईले प्रोबेशन कार्यक्रमा सहभागिताले संस्थाको वित्तीय सुशासन, व्यवस्थापन एवम् वृद्धिमा उल्लेख्य भूमिका खेल्ने दाबी गर्नुभयो । उहाँले बचत तथा ऋण सहकारी संस्थाहरु नेफ्स्कूनको गुणस्तर सुनिश्चितताका कार्यक्रमहरुमा आबद्ध हुँदा नीति, विधि र प्रविधि सुधारमा निक्कै सहयोगी भएको देखेर पेवा पनि प्रोबेशनमा सहभागी भएको बताउनुभयो ।